شجاها الروح ..

موضوع: شجاها الروح .. الخميس فبراير 17, 2011 6:45 am

شجاها الروح ..
كافي أجروح
ملاها ألبجي والنوح
تدور أعلى ألصدك بس الجذب مسموح
ما ميت لسان ألصدك
بس مطروح
غريب وتايه وحاير بهاي السوح
وين تروح
شجاها الروح ..
شبيها الناس لا صاحب
ولا محبوب
كل واحد يحوش النار خبزه
وغيره ما محسوب
أشوف أجسام
بس ما أظن بيها اگلوب
وين الشوك
فارغ ما ترس لجيوب
ماكو أنصاف أضل مذبوح
شجاها الروح ..

شگد سويت كلشي انطيت
ما خليت
ألك دم ودمع
وأشگد ألك ضحيت
وعمى عيني السهر .. منتظر
ما مريت
أنا گلت وجيت
بس انت أوعدت ماجيت ؟
ما وفيت
سر ... لا بوح

شجاها الروح
زرعت الطيب
من خضر طلع عاگول
شگولن كلشي آنا احجيه
ما مقبول
بيدي وما أنوشك هذا ما معقول
سؤال انت َ
ويضل كل عمري ما محلول
حد اللوح

شجاها الروح ..

محمد الفهد
( بقلمي )

شجاها الروح ...
تسلم يداك استاذنا العزيز
وبمشاعرك الرقيقة زرعت الطيب وخضر حب وفاء

تحياتي .. وتقبل كلماتي ومروري ..

شجاها الروح ..
شبيها الناس لا صاحب
ولا محبوب
كل واحد يحوش النار خبزه
وغيره ما محسوب
أشوف أجسام
بس ما أظن بيها اگلوب
وين الشوك
فارغ ما ترس لجيوب
ماكو أنصاف أضل مذبوح
شجاها الروح ..

الله

الله يا محمد
نعم تغيرت النفوس في هذا الزمان وتبدلت
اصبحت الماديات اهم شيء
تحياتي لك ولكل كلمة يخطها قلمك