ما أريدك بعد سديت الحساب
وقفل كلبي
شمرته أبحر هجرك
روح ابتعد عني بلكت أرتاح
ما ريدن بعد حلوك ومرك
هواي هموم منك ضاع الحساب
الف
الفين
لا والنوب غدرك
مثل سمجه بشبج صرت انه وياك
صدك بالماي
بس بسجن قهرك
كسرت الكلب مو خاطر ويلتام
اضنك ما تحس بالكلب كسرك
شنو عدك الشوك
حجاية لسان
تزاعل لو تصاحب تحت امرك
يخايب ما شفت كلبي من أحاجيك
يحضنك
كبل لا ايديه تشرك
شنو لسويته كلي وياك وتروح
بلا جلمة وداع
ودرت ظهرك
يا أجمل شخص كالتلي العيون
بس العقل
كال هواي أحذرك
ما جابك بختنه وشوغة الروح
ولا كلبك يحن يوم ويذكرك
يلحيرت كلبي وصار ناعور
أسهر ليله وحده
وحير بامرك
ما اكلك نسه الهور المشاحيف
ولا ليل العشك خايف يسهرك
صدك سديت
انه حسابي وياك
بس أصحه وانامن ويه ذكرك
محمد الفهد
ابو ايمن